يوميات بطوطه كويتيه

أشكركم كلكم شكرا جزيلا ....بس لظروف خاصه جدا

2010-06-01T00:17:00.002+03:00

تم الإرسال من جهاز BlackBerryR اللاسلكي المقدم من زين كويت.Been sent from BlackBerry smartphone provided by Zain Kuwait

2010-05-21T20:40:00.001+03:00

فرقتنا المسافه بس باللحظات اللي كنا نزوره فيها أو يزورنا فيها وايد مميزه ولها صوره حلوة بداكرتي

بالرغم من شهادتين دكتوراه عنده إلا انه عمره ما تفلسف و كان بسييييط جدا بسوالفه مع الكل وصاحب غشمره ما تنمل

ماعنده روح وتعال بالدين .. انسان دين ويخاف الله ودائما يفتخر شلون أبوه غرس فيهم محبه الله من الصغر ... كان وده يندفن بالمدينه المنوره بس الله ما كتب

الناس الطيبين يروحون بسرعه

الله يرحمك يا عمي ويسكنك فسيح جنانه

الدعوه بالغيب مستجابه ... لا تحرمونه من دعواتكم
تم الإرسال من جهاز BlackBerryR اللاسلكي المقدم من زين كويت.Been sent from BlackBerry smartphone provided by Zain Kuwait

سؤال

2010-05-20T22:01:00.000+03:00

هل ممكن أكتئاب ما بعد الولاده يصير باخت الأم ؟
Sent from my BlackBerry® smartphone from Wataniya Telecom

say my name ...say my name

2010-05-17T10:58:00.001+03:00

اختي حبيبتي بالبيبي عانت من البدايه

غير الحمال والثقل نسات قشره وتطول ... لازم محد على محيط كيلو متر منها ما يكون حاط لا عطر ولا بخور ولا اي نوع من انواع العطور ولازم يستبح كل يوم 3 مرات لان لا سمح الله يمكن قعد تحت الشمس بديره شمسها تدش وين ماكان وريحه الشمس على قولتها خايسه (( في احد شم ريحه الشمس من قبل ؟؟؟))

ولدت وايد مبجر تقريبا قبل 4 اسابيع من موعدها لان البيبي كانت تعبانه ما فيها نبض والحبل السري ملتف عليها والقولون كان عندها منتفخ...مسكينه كانت رايحه موعد عادي ولا يقولون لها لازم ولاده

بحزه الولاده الدكتوره كانت لاهيه تولد مريضه ثانيه وابره الظهر ماكانت تشتغل عندها فشالت المستشفى كله على صراخها

ولدت ياهل كبر البندقه كيلوين ونص اول ما طلعت للدنيا وطبعا الحين فشت اكثر ... وحنتها لا اله الا الله ما تمشي مع حجمها

كل هذا ولا شي مقارنه باللي تعانيه الحين

شنو يسمونها ؟؟؟؟؟

الابو يبي اسم والام تبي اسم واليده اسم واليد اسم والعم يبي اسم واغلب اللي يزورون ما يقصرون بالاقتراحات ...بين ايات وشهد وفاطمه والعنود قمت اناديها توته لانها جنه توت لبنان اللي بنبع الصفا والباروك

تهقون يسمونها توت؟؟؟

ليش عمليه التسميه وايد صعبه ؟؟.. يوم بينت بالسونار بنيه الكل كان ساكت والحين كل من يفتي باسم مادري من وين

انا نصحتها قلت لها ما عليج من ولا احد... كل من سما عياله على هواه ... شوفي انتي وابوها شتبون سموها

ومن هني لين يسمونها انا مصره على موقفي واسم الدلع مالها بيكون توت

ملاحظه داشه عرض ... وااااي الحلبه بالصيف مو شي لا علج لبان لا شبه وحرمل تشيل الريحه من البيت.... لييييييييييش لازم حلبه بالنفاس صيف شتا .. ليش ما يحطون مثلا بهار ما فيه ريحه او اشياء بارده تمشي مع هالجو

ابي ابجي من ريحه الحلبه اهيء اهيء

Sent from my BlackBerry® smartphone from Wataniya Telecom

مبروك ما يانا

2010-05-12T20:22:00.000+03:00

الحمدالله رب العالمين
انضمت لنا حفيده يديده بالعايله

الله يخلبها وبحفطها ويكتب لها الصلاح وتكون ذريه باره بأهلها

والأهم الحمدالله على سلامه أمها الغاليه
رح أغط هالجم يوم لزوم الطبخ والنفخ والشهر ومجابل الحفاطات

Sent from my BlackBerry® smartphone from Wataniya Telecom

تحلطم سريع

2010-05-03T13:48:00.001+03:00

من اليوم ورايح ...بغير الشعار اللي ماشيه عليه بالدوام الى

"طنش تعش تنتعش"

ويا دمعتي ردي مكانج

دعاء

2010-04-20T21:28:00.001+03:00

أمن يجيب المضطر إذا دعاه ويكشف السوء

اللهم شافي كل مريض بشفائك وداوه بدوائك وعافه من بلائك و شافي مرضى المؤمنين والمؤمنات بشفائك يالله ياكريم يارب العالمين

اللهم رب الناس أذهب الباس المرضى إشفهم أنت الشافي المعافي لاشفاء إلا شفاؤك شفاء لا يغادر سقما

اللهم شافي كل مريض ورد كل غريب وفرج عن كل مكروب واقضي دين كل مدين يارب العالمين

آميييييين

ودي

2010-03-25T13:15:00.001+03:00

ودي اطلع من الدوام والشوارع تكون فاضيه

وارد البيت والقى الكل طالع

و البس ملابس بيت مريحه وانفش كشتي واجابل التلفزيون واشوف فيلم من افلام اللي بالعاده اتطنز عليها من طقه هاي ميزوكال

والمكيف شغال والصاله بارده

وقبالي طاسه كبيره ايسكريم فانيلا وفوقه بترسكوش

ابي جذي

بس اللي بيصير

بطلع من الدوام والشوارع زحمه

واول مارد البيت بلقى واحد من العمال يا يصلح الاصنصير يا يسوي شي يعني بتم بهدوم الدوام لين يطلع

واخواني مناشبيني على الصوفا اللي احب اقعد فيها بالصاله

والصحن قبالي بدال الايسكريم بيكون سلطه او شوربه

هاف نايس ويكند :>

Happy mother's day

2010-03-20T08:34:00.000+03:00

صباح الخير ...
قمت الصبح أعجل بهالمطبخ عشان أسوي حق أبوي بريكفاست ان بد بهالمناسبه
ولأني ماعمري سويت بانكيك وطلعو 2 خوات طلبت مساعدته ومسكين في النهاية أهو سوا ريوقه بروحه وسوا ريوقي أنا بعد ههههه

مو خوش مفاجأة... لا تسوون سواتي p:

البان كيك طلع لذييذ ... حياكم الله معانا بس أقولكم من الحين اللي يبي رح يصب البان كيك حق روحه هههههه

هابي موذرز داي والله يخليلكم أمهاتكم و عيالكم ان شاء الله
Sent from my BlackBerry® smartphone from Wataniya Telecom

جمعة مباركة

2010-03-19T13:36:00.000+03:00

اللهم ياخير من سُئل
وأجود من أعطى
وأكرم من عفا
وأعظم من غفر
وأعدل من حكم
وأوفى من وعد
وأسرع من حاسب
وأرحم من عاقب
وأبر من أجاب

اغفر له في هذه الجمعة المباركة كل شيء
واعطه في الجنة من كل شيء
يــــــــــــا حي يــــــــــــــــا قيوم
Sent from my BlackBerry® smartphone from Wataniya Telecom

my new hobby

2010-03-17T09:54:00.000+03:00

هوايتي اليديده اتسوق من اغراض خواتي

حمره من اختي الصغيره

تاج من الثانيه

كفر بلاك بيري وهلم جرا

طبعا ماخذ هدوم لان ماكو شي قدي وبين مقاس 18 و 10 فرق وايد كبير

المهم

وانا اتجول بين الغرف ادور صبغ اظافر بيبي بنك كنت لامحته عند وحده منهم جان عيني تعرجب ببيبي بنك من نوع ثاني... ساعه ديور الماظ

اختي ام حسون كانت زايره الاسبوع اللي طاف وناسيتها عندنا

خشيتها بيدي 3 ايام وما سالت عنها

والقاعده تقول الشي اذا صاحبه ما سال عنه 3 ايام راح عليه

بالنهايه علي بالعافيه واخيتي معوضه خير ان شاء الله

اصلا يايه على ايدي بالضبط :**

To all twilight fan...eclipse trailer offically out

2010-03-16T11:34:00.010+03:00

وايد مبجر اني اشوف تريلر حق فيلم بينزل عقب 3 اشهر

بس الظاهر بروحي احس بهالاحساس لان اغلب الريدنغ قروب مالي كانو ناطرينه ومسوين خبه عليه

بالنسبه لي احلى تقييم انكتب عن هالسلسه وتقريبا يخلص رايي بالقصه نفسها

it seems this book has received massive amounts of acclaim, but I never heard of it until I decided to watch The Dark Knight. A preview for the movie Twilight came on and mentioned that it was based on the best-selling novel by Stephanie Meyer. Since the preview looked good and I prefer to read books before seeing the movie, I picked up a copy.

Now that you know why I purchased the book, I should also mention that I'm not necessarily the target demographic and haven't been for a few years. But that doesn't mean I don't enjoy the good YA fantasy fiction book every now and again. (I've been called a perpetual teenager on more than one occasion.)

I'm going to try and keep this review as spoiler-free as possible. In case you haven't already gathered it from other reviews, or the book description itself, Twilight is about a young girl named Bella Swan who moves to Forks, Washington and finds herself in love with a vampire named Edward Cullen. The climax of the story happens when a vampire who doesn't abstain from feasting on humans, as the Cullen coven does, decides he wants Bella. Up until this point (first three quarters), the novel progresses at a moderate, but not lagging pace and then instantly picks up.

The book itself is a rather easy read, however, the characters seem somewhat shallow. Bella is supposed to be an honour student, but behaves exactly the opposite. Edward, who has been in existence for more than a hundred years, should be more intelligent and far wiser than is portrayed in his character. Armed with this tidbit about him, Meyer had plenty of room to play around and mold him into so much more, but never truly took that opportunity.

In fact, after finishing the first book (I've read both Twilight and New Moon), I wondered what a century old vampire might find utterly attractive in a seemingly average 17 year old girl, besides the fact that she smelled delectable, could pick out a common tune by Debussy, and had a penchant for identifying the mitotic phases of an onion. Even Bella herself wonders the same thing and makes it plainly obvious by asking almost every other page what this magnificent Adonis can possibly see in her, which became rather tiring.

(On another note, I'm still trying to figure out how any person with dark circles under his eyes and lavender eyelids can be likened to Adonis. It could just be me, but the way Meyer described their features, I couldn't help imagining a well-fed crack fiend half the time.)

While I don't understand how the love between Bella and Edward can be so true and deep as made out in the book, considering they only knew each other for a few months, I can understand how Bella formed such a strong attachment to Edward: he saved her life on more than one occasion and, in a sense, has become her personal Superman. Is this right thinking? Dunno, but I guess constantly saving a girl who can barely walk without tripping does equate to being inexplicably lovable.

By the end of the novel, I realized that Bella's character, though stubborn, was unbelievably insecure--more so than one would expect from the typical teenage girl--and Edward, arrogant as he can be, used this insecurity to his benefit (whether consciously or not), thus causing multiple crises of conscience for "putting [her] in harm's way".

When one really steps back from this novel and looks at the entire scope of it, the true dysfunction of their unhealthy relationship is obviously apparent.

Plus, Meyer's overuse of the word incredulous began grating on my senses, not to mention all the glaring, whining, cringing, grimacing, and her overwhelming need to append a "he said" or "she said" to almost every bit of dialog that transpired. (Surely, even truly young minds are able to keep up with the general flow of dialog). And let's not get started on the editing: You know the editor was asleep at the wheel, or either non-existent, when there's a glaring grammatical error within the first ten pages.

But, despite all of that, I enjoyed the book. Meyer is a wonderful storyteller. There was a cliffhanger at the end of each bite-sized chapter pressing the reader to continue on, if for no other reason than to see whom else is glaring or grimacing at whom. The story also had a light-hearted comedic edge which played in its favor.

Rather than feeling as though I were trudging through a heavy piece of fantasy fiction, I was able to let my mind relax and float into the story as if I were watching some strangely intoxicating reality show about a clumsy teenage girl and a thoroughly confused vampire. In the end, despite their flaws and not fully understanding their logic or reasoning, I even enjoyed the characters Meyer created.

This is a novel you should pick up when you just want to shut off your brain for a little while and escape reality. Basically, you shouldn't try to read this novel with too serious an eye. Ideally, it should be read while curled up in your most comfortable outfit eating your favorite snack with the lights dimmed, and television and phone turned off. *

* by T. Adlam

hello..my name is bent el deera and i am addicted

2010-03-15T13:57:00.003+03:00

صراحه هاللعبه ادمان

اعدت اكتشاف الفيس بوك فيها ههههههه

وطايحه فيها طيحه

ما غير ازرع واحصد واكود بهالنيبرز

طبعا جزء كبير منه اني اشتغل بالحكومه وماكو شغل

بس حتى لو في شغل ينطر لعيون مزرعتي

لعبتو هااللعبه؟؟ اذا لعبتو قولولي تكفووووون شلون اطلع من هالادمان

غصب بتدش بالنار لوووول

2010-03-14T13:04:00.005+03:00

هالايميل وصلني ومت من الضحك... في ناس عقليتهم جذي ربي لا تبلينا

واعتذر اذا طلع قديم وانا توني انتبه له ههههه

My NOT so favorite book

2010-03-13T11:25:00.005+03:00

I read it

I laughed at some sentences

I thought about some concepts

I agreed with some facts

But still

NOT my favorite

Sent from my BlackBerry® smartphone from Wataniya Telecom

Finally !!!

2010-03-05T18:20:00.000+03:00

Sent from my BlackBerry® smartphone from Wataniya Telecom

His name is Khan... and I'm so in love with him

2010-03-02T21:12:00.000+03:00

Sent from my BlackBerry® smartphone from Wataniya Telecom

أحبج يالكويت

2010-02-25T14:54:00.000+03:00

Sent from my BlackBerry® smartphone from Wataniya Telecom

Za7maaaaaaa

2010-02-17T07:16:00.000+03:00

Sent from my BlackBerry® smartphone from Wataniya Telecom

الدنيا ربيع والجو بديع

2010-02-16T11:44:00.000+03:00

وأخيرا هل ربيع وكسرنا البيض و بهالمناسبه كشخت بلوقي والبي بي بكفر يديد توه واصلني فوووشي ههه

Sent from my BlackBerry® smartphone from Wataniya Telecom

عظم الله اجورنا واجوركن بوفاة النبي صلى الله عليه وآله وسلم

2010-02-12T13:35:00.000+03:00

قل للمغيّب تحت أطباق الثرى ** إن كنت تسمع صرختي وندائيا

صبّت عليّ مصائبٌ لو أنّها ** صبّت على الأيّام صرن لياليا

فلأجعلنّ الحزن بعدك مؤنسي ** ولأجعلنّ الدمع فيك وشاحيا

ماذا على مَن شمّ تربة أحمد ** إلّا يشمّ مدى الزمان غواليا
من رثاء فاطمة الزهراء(عليها السلام)
Sent from my BlackBerry® smartphone from Wataniya Telecom

ماجورين في اربعينيه الامام الحسين

2010-02-05T14:19:00.000+03:00

Sent from my BlackBerry® smartphone from Wataniya Telecom

UP IN THE AIR

2010-01-28T10:59:00.004+03:00

رحت الفيلم مع اختي الصغيره بعد ما قريت ريفيو وايد حلو عن هالفيلم وشكثر مرشح حق جوائز من الموقع الرسمي للفيلم

http://www.theupintheairmovie.com

وصراحه ماكنت ابي اطوف فيلم فيه جورج كلوني ... هالانسان لما يمثل تشع منه طاقه جاذبيه مو طبيعيه :>

انا وايد حبيته بعد فيلم " O brother where art thou "

وخاصه الاغنيه العجيبه اللي يغنونها عقب ما ينحاشون من السجن وتشتهر ههههه

I Am Man Of Constant Sorrow

نرد حق موضوعنا .. اكثر شي شدني وخلاني اقرر اروح الفيلم التيزر تريلر

وهذا التريلر الرسمي

القصه باختصار عن شخص يشتغل بشركه تتطلب منه السفر الدائم وهالشي يمشي مع رغبته لانه يحب يميع اميال... وبعدين تستجد عليه ظروف و يقرر يقيّم حياته وعلاقاته خاصه ان السفر الدائم مو معطيه مجال يستقر بشي :>.. هذي نبذه بسيطه مابي اخرب عليكم الفيلم :>

للاسف وصلنا السينما متاخر والناس اللي يمنا كانو مزعجين بشكل مو طبيعي والناس اللي قبالنا كانو العكس رومنسيين بشكل مززعج بلس ان سينما الكويت ماقصرت بالتقطيع وهذا شي طبيعي لان rated R

بالنهايه على الرغم من المعوقات اللي شفناها الفيلم حلو يمكن توقعته احلى من جذي بس يسوا

وعن نفسي اذا نزل دي في دي رح اشتريه :>

******

الجو رائع طلعو واستانسو واتمنى لكم اجازة نهايه اسبوع حلوه وسعيده D:

to twilight fan or not ... funny :P

2010-01-25T13:11:00.000+03:00

reading

2010-01-24T11:26:00.006+03:00

the vampire diaries

الرويه نصحتني فيها صديقتي الانترنتيه SATY وانا الحين باول كتاب ومادري ليش اقراهم احسهم يصلحون للتينز اكثر

قصه عن اخوين مصاصين دماء واحد طيب وواحد شرير يحبون بنت عاديه بالثانويه

عموما اللغه المستخدمه في الروايه قرايتها وايد سهله وهي سلسله طلع منها5 وباجي جم كتاب واحد منهم بينزل بشهر 5 2010 .. واعتقد ان سووه مسلسل
اللي حاب يقرا الكتاب من الانترنت يحصله كامل بهالموقع

http://browseinside.harperteen.com/index.aspx?isbn13=9780061140976

بس شسالفه هبه الفامبير اللي صايره هالايام ؟؟؟ ليش ماكو قصص عن اوادم طبيعيه كل من يقترح لي قصه فيها مصاصين دماء

الروايه اللي رح اقراها بعدهاسلسله فامبير اكاديمي وبعدين رح اسكر باب مصاصين الدماء للابد ههههه

اي والله احتريت

2010-01-21T15:09:00.000+03:00

عاد توني شاريته وعليهم بالعافيه
Sent from my BlackBerry® smartphone from Wataniya Telecom

Congratulation brother :*

2010-01-20T17:26:00.000+03:00

Sent from my BlackBerry® smartphone from Wataniya Telecom

Live from my bbm

2010-01-20T11:21:00.000+03:00

أمراض نفسيه سببها ( Black Berry )
1- دخول التليفون معاك بالحمام .
2- الفرحه عند رؤية الاشاره حمراا.
3- تضحك. بروحك والكل يستغرب منك .
4-معطي كل اللي حولك طاف .
5-انحناء بالظهر ومشاكل بالرقبه.
6-تطويل الاظافر عشان تتحكم بلوحة المفاتيح .
7-تنام والتلفون بحضنك.

مع البي بي مش حتقدر تغمض عينيك

Kaaaaaak
Sent from my BlackBerry® smartphone from Wataniya Telecom

انضميت للقافله... حتى لو متاخره

2010-01-19T09:54:00.000+03:00

اقدر اقول واخيرا صرت من حمله البلاك بيري

اخذته من يوريكا ب 179 :>

شعارنا بالدوام حتى اشعار اخر ...

2010-01-07T13:11:00.001+03:00

قطيــــــــــــعة محدش ياكلها بالساهل

والشكر موصول ل"لودي" ;>

today IS clean day...

2010-01-06T13:06:00.005+03:00

احلى شي بالسنه اليديده لما اسوي الجرد السنوي واقط كل الدثره والشغل القديم

احس بالانجاز لما اشوف مكتبي نظيف في انتظار اكواد الاوراق اللي بتترس ملفاتي والاشياء اليديده اللي بضيفها بسطح مكتبي

وواكيد نبته يديده بدال الماسوف على خضارها

الشي الوحيد اللي يكبر كل سنه مساحتي الشخصيه اللي اعلق عليها اوراق وكروت وصور والسوفينيرات بالبارتشن :>

مودي اليوم

fabulous :D

ووعشان اكافيء نفسي على هالانجاز شفت صوره هالكيكه تشوووووووق بسويها ان شاء الله مع اني ما اعتقد ان النتيجه النهائيه بتصير نفسها :>

اللي يبي الطريقه يحصلها بهاللينك

http://www.hostessblog.com/2009/02/fabulous-rainbow-cake-tutorial

the daily mood

2010-01-05T08:21:00.001+03:00

رزنامه فيها 47 مود اخذتها قبل فتره من فيرجن ورازتها عندي بالمكتب بالويه

ومريحه في حال التعامل مع الملاقيف اللي ما يفرق معاهم لا توقيت ولا حاله صحيه ولا حاله نفسيه وماكو على لسانهم الا كلمه " انتي شفيج اليوم؟؟"

تبون تعرفون شفيني اقرو شمكتوب واللي ما يعرف يقرا يشوف الصوره ويفهم وهم اللي ما يفهم اكو تعريف عن المزاج وامثله بالجهه الثانيه .. وبهالطريقه انا مرتاحه

مودي اليومbouncy

reading

2010-01-04T14:16:00.001+03:00

في البدايه شفت الفيلم بناء على نصيحه الشاب الوسيم ( صديقي بالدوام ).. وكان الفيلم حلو بس برايي المتواضع اخر دقيقتين كلش مالهم داعي ههه

ولما قريت الروايه ( الحين بجابتر 20 ) ... اكتشفت اني قاعد اقرا شي ثاني ماله علاقه بالفيلم الا باسماء الشخصيات ومحتوى الرسايل :>

المؤلفه اسلوبها حلو وسلس والفقرات اللي تكبتها جدا متصله مع اني اشوف الطريقه اللي متعلقه فيه البطله بزوجها الراحل مومربوطه بعالم الواقع

كنت متخوفه اقرا حق الكاتبه لانها ايرلنديه وتوقعت بتحط مفردات بلهجتهم ما افهمها بس الحمدالله كل المكتوب مفهوم وطلعت صغيره ما شاء الله عليها وهذي اول رواياتها وشكثر فايزه بجوائز عليها

مادري ليش دايما حاطه ببالي ان المؤلفين الانجليز كتبهم صعبه..ودايما اتردد من هالمواجهه مع اني قريت روايات هاري بوتر وقدرت افهم اللغه اللي كانت بلسان هاجرد وهذي بروحها معجزه هههه

الروايه مع اني ما نهيتها مبين انها حلوه .. وانصحكم بالفيلم حتى لو القصه مختلفه عنه :>

كل عام وانت بخير

2009-12-30T22:29:00.000+03:00

مرت الايام وعدت الشهور ولقينا روحنا باخر السنه

عدت 2009 بكل الحلو والمر اللي فيها وان شاء الله اللي ناطرنا ب2010 بيكون احلى

الله يجعل السنه اليديده سنه خير وبركه

وان شاء الله تحققون كل احلامكم وامانيكم فيها وتكون الى الله اقرب

كل عام وانت بخير وهابي نيو يير

السلام على قتيل العبرات...

2009-12-26T09:46:00.001+03:00

السلام على الشيب الخضيب ...
السلام على الخد التريب ...
السلام على البدن السليب ...
السلام على الثغر المقروع بالقضيب ...
السلام على الرأس المرفوع ...
السلام على المرمّل بالدماء ...
السلام على المهتوك الخباء ...
السلام على خامس أصحاب الكساء ...
السلام على غريب الغرباء ...
السلام على شهيد الشهداء ...
السلام على قتيل الأدعياء ...
السلام على ساكن كربلاء ...
السلام على من بكته ملائكة الارض والسماء ..
السلام على ابن النبي المصطفى...
السلام على ابن علي المرتضى...
السلام على ابن فاطمه الزهراء..

السلام على ابا عبدالله الحسين الظليمة الظليمة من أمة قتلت ابن بنت نبيها ...

السلام عليك وعلى الارواح التي حلت بفنائك عليكم مني جميعا سلام الله ابدا ما بقيت وبقي الليل والنهار ولا جعله الله اخر العهد مني لزيارتكم السلام على الحسين وعلى علي بن الحسين وعلى اولاد الحسين وعلى اصحاب الحسين

عظم الله اجورنا واجوركم

تبكيك عيني لا لأجل مثوبة.. لكنما عيني لأجلك باكية

2009-12-22T12:54:00.002+03:00

***عظم الله اجورنا واجوركم***

اخوي سفيد منزل بوستات روووعه عن دروس عاشوراء انصحكم بقرائتها .. تلقونها بهالرابط

2009-12-14T09:38:00.000+03:00

السلام عليكم

شلونكم وشخباركم

اليوم افكاري نااااشفه

قعدت افكر وافكر

شبكتب

مبطله الشاشه وابحلق فيها

ويمي كوبي العزيز هديه من رفيجتي من ديزني فيه شاي اخضر بالورد الدمشقي والصراحه مو حاسه لا بطعم الورد ولا طعم الشاي

وعلى الحظ اليوم ماكو شغل ولا عمل

وعلى ما قريحتي تشتغل ههههه

اتركم بعنايه الله وحفظه

مقترحات..بليز؟؟

2009-12-10T09:52:00.004+03:00

واخيرا انتهى الاسبوع

مادري ليش دايما اول اسبوع دوام بعد الاجازة يكون طويل واخر يوم افواج الشغل اللي تهل علينا ما تنتهي

زميلي/صديقي اليوم مو مداوم الله يقومه بالسلامه ومقرر قرقتنا اليوميه اللي تطير علينا الوقت انلغت (( باي ذا واي اذا تقرا البوست ترا عدلو عليه للمره الثالثه وانا الحين المفروض اعدل على جداولك وجدولي ههههه ))

المفروض اطلع بنت اختي واختي الصغيره بمناسبه الويكند والجو الحلو

والمفروض الطلعه تكون "اوت دور"

فكرت بحديقه الحيوان وضحكو علي قالو الحيوانات كله نايمه وريحتهم خايسه

قلت لهم خل نروح البحر نلعب وخافو من البرد والقطاوه اللي تحوس

القهوه الشعبيه خيار بس للحين ما قست نبضهم على السالفه

عطوني مقترحات... وين ممكن نطلع ؟؟

back to Kuwait

2009-12-09T12:20:00.010+03:00

*(تحديث وتوضيح ): حبي للكويت مو مجال مداوله ونقاش وانا ما نسيت شصار فيها بالغزو ويعل صدام وزمرته انشلت ايدهم وريولهم قبل لا يدزون دباباتهم القذره بارض الكويت الغاليه من تقريبا 19 سنه
شباب العراق حاليا اطفال الماضي وفي جزء كبير ما كان موجود ومانولد اصلا ومو معقوله اكره شعب كامل بجريره اللي سوه المقبور صداموه واهم مالهم ذنب فيه وبعد اللي شفته ماقدر اشيل بقلبي على ناس ما عندها ابسط ضروريات الحياة كعبايه تستر فيها روحها او كنبل يكفيها برد الشتا وهي نايمه على الرصيف لان مالها مكان تروح له او لقمه حتى لو صمون يابس تسد فيه ريجها لانها ممكن تكون يوم كامل مو ماكله شي... الف الحمدالله على خير الكويت وعلى الخير اللي احنا فيه ... بنفس الوقت ماقدر اطلب من الله الغفران والرحمه وانا ماقدر اغفر ولا ارحم

ومساحه المسامحه والغفران تخصني انا بروحي وتشمل اشياء وايد وما تخص العراقيين بروحهم وانا ما طلبت من احد انه يسامح معاي لاني ادري ان العفو عند المقدره و مو الكل يقدر :>

رحت سفره من احلى سفرات عمري... الاولى مكرر
بديرة ما كنت مفكره اروح لها
وعيدت بين ناس كانو بآخر حسباتي
بس سبحان الله شلون غيرتني هالرحله من داخل وبرا وخلتني احب الكويت اكثر

رحت العراق

رحت كربلا والنجف وسامرا والكوفه والكاظم
الهدف اني ازورالاماكن المقدسه واكون الى الله اقرب
بس الاهدف الاسمى اني تعلمت شلون اسامح
شلون اغفر
وشلون استمتع بهالشي
ومع ان ذكرياتي بالغزو مره ... حمدت الله الف مره ان سنحت لي الفرصه عشان اروح وقمت ادعي ربي واناجيه انها ما تكون اخر زياره حق هالبقعه الارضيه الزاخره بالكرامات والروحانيه على الرغم من بساطتها (مع ان الكلمه الانسب انها تحت خط الفقر ب 10 درجات ) مع شعب كنت اكرهه كره خيالي

ملاحظه على الهامش: في استقبالي بارض مطار الكويت الحبيبه الكل يي يبارك ويهني وبما فيها فيروسات الكحه والنشله والذي منه وبعد صراع تغلبت فيه على 80% من الزوار الغير مرحب فيهم اقولكم

الحمدالله اني بالكويت :>

اروح وارد بالسلامه

2009-11-21T17:58:00.001+03:00

استودعكم الله الذي لا تضيع ودائعه

ان شاء الله عقب باجر مسافره

وراجعتلكم بعد 10 ايام

سرحان

2009-11-15T13:27:00.003+03:00

اليوم كنت بدوره خارج الدوام

المفروض انها تتكلم عن شي له علاقه ببناء الذات

بس انقلبت حق نصايح تربويه وغذائيه

وانا عندي مشكله التركيز خاصه لما يكون الموضوع ما يخصني

فالشق الثاني من الدوره مخي يزن باغنيه بكت فول اوف سن شاين >>يا كرهي لما اكتب بهالطريقه بس مالي خلق اقلب الكي بورد

اعتقد والعلم عند الله لان اكثر مقطع يتكرر بهالاغينه

"تيك مي اواي"

فحسيت فيها تهقون؟

اني واي حبيت
اشاركم معاي :>

انجوي

reading

2009-11-13T20:56:00.004+03:00

~~خلصت واحد...وبقى لي 3 ونص :>~~
(تحديث): خلصت 3 ونص ... والحين باخر كتاب :>

:(

2009-11-09T08:14:00.003+03:00

حاسه اني ببجي

انسانه اكرها كره العمى

اكره كل حرف من اسمها

مو حقد مني

بس من اللي سوته فيني وباهلي

مادري شقول عنها

انسانه جباره عندها القدره تحرج اي انسان بسلاطه لسانهاوافعالها القذرة وعشان الواحد يقدر يرد عليها لازم ينزل الى مستوى وايد ضحل اخلاقيا

حدي منبطه جبدي

حاولت ابتعد عنها وابعد خواتي من قله ادبها بس ماكو فايده

حتى هديتي من ابوي الله يطولي بعمره اللي المفروض تكون لي بروحي لازم تنفث سمهاو تدخل فيها وتخربها

فرق السن بيني وبينها وصله القرابه تخليني ماقدر اوقفها او اسوي اي شي لها غير اني ادعي الله يبعدها عنا ويكفينا خيرهم وشرهم

صج صج مابي منها تقرب مني ومن خواتي وابوي

بس الظاهر مرح ارتاح الا لما الله ياخذ امانتي او ياخذها

الجو بديع

2009-11-05T09:18:00.001+03:00

الجو اليوم عجييييييييييييييييييييييييب

طلعو واستانسو حسافه الواحد يقعد بالبيت مع هالجو الحلو :>

واتمنى لكم اجازة نهايه اسبوع سعيده D:

مودي اليوم

2009-10-30T17:05:00.002+03:00

وين المطر؟؟

2009-10-29T13:45:00.009+03:00

Last updated: Thursday 29th October at 10:35 AST

Thursday

Light Rain Shower
Max: 30°C 86°F
Wind: SE 22mph 35km/h
Hum: 47%
Press: 1012mB
Vis: Very good
Sunrise: 05:59

** ماخذته من موقع BBC

واتمنى لكم اجازة نهايه اسبوع سعيده

سويته

2009-10-28T21:43:00.000+03:00

الجزء الاول من رجيم "وداعا للكرش" من بلوق د.بومشاري يعطيه العافيه

واللي يحب يعرف اكثر يدش هاللينك

العب ولا ما العب في wii-fit?

2009-10-28T13:34:00.004+03:00

اخوي الغالي الله لا يحرمني منه شافني مسويه رجيم وعشان يشجعني شرا لي ويي فيت wii-fit

طبعا الكسل خلاني اجربها يوم واحد وبس

ابوي الله يحفظه استغل الفرصه وقام كل يوم الصبح يلعب او ساعات العصاري.. وما شاء الله ارقامه قويه

تصدقون نزل من وزنه وايد وصار تقريبا سمبتيكي

هدومه كلها وسعت وشكله صغر مع ان نظام اكله ما تغير

عاد قلت يا بنيه

اخوج شاريلج هديه

وابوج مثال حي قبالج يلا شدي الهمه وقومي لعبي لج شويه

ولانه بعد قلبي سمع اني برد العب بالجهاز جان يروح ييب لي لعبه يديده رياضه سامع وايد مدح عنها(( مو جنه وناسه ان عندهم محل :p))

Jillian Michaels Fitness Ultimatum 2010

وطلعت تمشي مع البورد مال الوي فيت وهذي صورتها

وقالي اذا شديت حيلي وكسرت ارقام ابوي بييب لي wii-fit plus

يعني الحين مالي عذر كلش هههه

رح ابتدي العب 3 مرات بالاسبوع ورح اعطيكم التفاصيل عن العاب وشنو احسنهم واللي استفدت ان شاء الله في البوستات اليايه

يلا منو بيلعب وياي ;>

HaPpY BiRtHdAy To Me

2009-10-25T20:06:00.009+03:00

my diet ...part2

2009-10-21T09:22:00.000+03:00

امس موعدي عند بالتغذيه ... قلت لهم يغيرون النظام لاني وقفت صيام وابي اكل عدل هههه.. النظام ينن ومتروس اكل والحلو فيه انه بينزل حلو والله يستر من التخبيص
نظامي للي يحب يعرفه

الريوق: كوب حليب ( حتى لو كامل الدسم ) + 3/4 كوب كورن فليكس

او

كوب عصير+ 1/2 خبزه سمره او 2 توست + حبه جبن او قفشه لبنه او بيضه + طماط وخيار وخس حسب الرغبه

السناك الاول: حبه فاكهه او شاي او عصير ( طبعا مو منجا ولا موز )

الغدا: سلطه خضرا عليها قفشه وسط زيت زيتون وملح وليمون حسب الرغبه + كوب عيش او نص خبزه او 2 بطاط مسلوق وسط + لحم او سمج بمقدار نص الكف + 3 تمرات + كوب لبن او روب

السناك الثاني: حبه فاكهه

العشا: واحد منهم

1- نفس الريوق
2- نفس الغدا
3-سلطه خضرا+ 4 ملاعق جبن ( نقدر ناخذ السلطه اليونانيه من امريكانا )

هالنظام المفروض ينزل من 3-4 كيلو باسبوعين بشرط الالتزام التام وكالعاده ما ننسى 2 لتر ماي باليوم

هذا نظامي بمستشفى الصباح عند خبير التغذيه مبارك العازمي وهو صراحه خوووش اخصائي ووايد محترم :>

باذن الله شديت الهمه ...ورح ابلغكم بالنتايج بعد اسبوعين :>

عفيه على شريطي واخير تحرك هههه

انا مع ال GMAT

2009-10-17T19:53:00.000+03:00

قصتي مع الجيمات قصه

الدوره اخذتها 2006 بجامعه الكويت

الكتب بديت اشتريهم 2008

امتحاني باكتوبر 2009

وبديت ادرس الاسبوع اللي طاف

كل ما اسوي لي جدول دراسه تصير ظروف وتخليني ااجل ليما انحكرت بالوقت

الله يستر وما اخبص فيه لان الوقت كلش مو كافي :(

انا مو طماعه بس ابي سكور 600

شكر خاص

2009-10-15T09:23:00.001+03:00

واخيرا هالمدونه المسكينه حاشها التطور ودخلت باللسته بكويت بلوقرز

احب اشكر اخوي Kuwait Bloggers

لاني يننته على ما صلح الخلل اللي كان موجود

شكرا جزيلا ويعطيك الف عافيه

واتمنى لكم جميعا اجازه نهايه اسبوع سعيده

مابي اشم خلاص

2009-10-13T07:44:00.000+03:00

اكره ريحه المستشفيات وهالكره بدا معاي من سبع سنين مع مرض امي الله يرحمها

صار اداء الواجب بعياده المريض مثل الهم.. وابوي الله يطول بعمره اكثر واحد يعرف هالحاله واذا كان الشخص قريب يقدر ويحاول يشرح الموضوع للاهل والقراب

حتى ديتول بيتنا لام يكون بريحه الورد او العطور واشوه شركه داك عندهم خوش منتجات تلبي طلبي

مرت السنين ... والحمدالله على نعمه النسيان خف هالشي تدريجيا من حياتي لين اعتقدت اني تغلبت على هالشي

من 3 شهور شكيت بعارض بسيط ادى الى مراجعات لا تنهي بمرض اكبر ومراجعات اكثر واكثر مطشره باكثر من مستشفى هني وهناك ...المصيبه للحين مو عارفين له بالضبط .. وعلى ما يعرفون يشخصون عدل عشان انا ارتاح لازم تستمر مراجعاتي ولازم اتحمل الريحه الكريهه

اتمنى من كل قلبي يشخصون اللي فيني لاني تعبت من الالم وتعبت من ريحه المستشفيات

بس خلاص مابي اشم

test

2009-10-12T15:28:00.002+03:00

::::::::::

صابون التونسي للعرائس.. تجربتي معاه

2009-10-12T10:40:00.001+03:00

مثل اي بنيه مشوار الجمعيه لازم يتضمن نص الوقت المخصص للتسوق بالتامل بلاين منتجات البشره والصابون

باحد تلك التاملات شفت هالصابون ..وبما ان الصابون المغربي اللي استخدمه مقطوع فتره قلت ابدل بهالصابون خاصه ان سعره يدل على جودته...سويت سيرج عليه ولقيت انه مشهور في بعض المنتديات وسعره يوصل لي 4 دنانير للعلبه وانا شاريتها بنص السعر

الصراحه... عمري ما وثقت بمدح او ذم ييني من منتدى خاصه اني ياما وثقت بحجي من بنات عن منتج او عشبه او خلطه وطلع شي خربوووووطه

وانا من النوع لما اجرب شي ما احكم عليه الا بعد فتره من الاستخدام عشان لا اظلم بختي

المهم

جربت هالصابون.. في البدايه مثل ما مذكور بالعلبه وطلع عجيييييب عجيييب.. صابون يعطي احساس بالنظافه هالاحساس ما حسيته الا مع هالصابون وصابون مزيونه وشقره

الحين استخدمه عادي من غير بخار ولا انطر 5 دقايق ساعات اقعد اقل وهم مفعوله ينن

اكثر واحد انصح فيه اللي بالاركان لانه ما ينشف وايد مثل

اللي بالنيله والورد ما عجبوني حسيت الاركان احسن

طريقه الاستخدام جدا سهله... ببلو الجسم وزعو عليه الصابون ونطرو شوي غسلوه واستخدمو الليفه المغربيه

طبعا كل وحده لها طقوسها الخاصه بس سمحولي انصحكم بعده استخدمو شاور جل فيه نسبه رطوبه لان هالصابون ينشف شوي وبالنسبه لي استخدم ستيفز اللي بالمشمش ينن معاه

واذا تحبون ترطيب زياده خلطو زيت اللوز وبيبي جونسون في المرحله الاخيره واذا ما تحبون ريحتهم رشو من منتجات ليلى من عبد الصمد القرشي سبري الجسم ورد الطائفي و شوي من مسك العروس

وعيشو الانتعاااااااش .. صج صج احساس بالنظافه

حبيت افيدكم وان شاء الله تحبونه وتستفيدون منه كثري :>

المال والبنون زينة الحياة الدنيا

2009-10-08T12:15:00.000+03:00

كنت اعتقد اني موذاك الزود مع اليهال

وباغلب الاحيان مالي طوله بال عليهم

وكنت اظن اني ما عرف لهم وشلون اسكتهم اذا بجو

يتنا السكر المسكر بنت اخوي اول حفيده.. وتعلقت فيها تعلق جنوني... اول شي لاني احب اسمها وايد والشي الثاني لانها من تشوفني ترفع ايدها عشان اشيلها.. حسيت انها تعرف اني عمتها واني بحبها اكثر من روحي

مرت الشهور ويانا الغنضفر حسون الشكولاته... واي واي على هالصبي شنو عسل اسم الله عليه... من يشوفني يضحك ومن يغط عني جم يوم ازف امه عشان تييبه

وهم مرت الشهور ويتنا الحفيده الثالثه بنت اخوي ... سبحان الخالق نزلت تشبه ابوها وكتكوووته اسم الله عليها وامها تلبسها لبس يشوووق جنها كيكه متنكره هههه

تصدقون

لقيت روحي تلقائيا اعرف شيبون من بجيتهم .. واعرف متى يكونون يوعانين ومتى البجي مال الدلع واعرف شلون اسكتهم جنه المانيوال مالهم منهم وفيهم هههه

صج اليهال نعمه

مادري شلون ما كنت احس بهالشي من قبل

الله يحفظهم ويحفظ كل ولد وبنت وربي يفرح اهلهم فيهم ولا يحرمهم من بعض يارب

my new diet

2009-10-07T08:11:00.002+03:00

بعد جميع انواع التهبيس والتخبيص بالاكل يي وقت اللي ارد فيه حق قواعدي الرجيميه

وبما اني اصوم هالايام عطوني نظام صيام فيه 1500 سعره .. يعني الزبده شي متروس اكل هههه... نظامي عند اخصائيه التغذيه مريم الكندري وهي صراحه عجيييييبه وانا وايد احبها

وان شاء الله من اليوم ورايح برفع شعار نعم للرجيم نعم للرشاقه

ادعولي :)

نظامي للي يحب يعرفه :

عند الفطور: 3-5 تمرات وعلبه روب او قلاص لبن

بعد الصلاه : فتوش او تبوله وكميه البرغل لا تتجاوز قفشه وكميه الخبز ربع خبزه خفيفه محمصه
كوب عيش او معكرونه او نودلز او ذره او بطاطا كبيره
نص كوب خضار مطبوخه باي شكل عدا القلي وممكن نخليها ستير فراي
وطبعا الايدام نص الكف لحم او سمج او علبه تونا كبيره

بعدها بساعه : حبه فاكهه او نص كوب عصير

والسحور : كوب روب ومعاها 2 توست او 2 هوت هوغ فيها لبنه او جبنه واذا حبيت اغير ابدلهم ب2 حبه فاكهه

الصحون المقسمه

2009-10-05T22:15:00.001+03:00

شفت ببلوق فرانكوم عدد لا باس به من الاشخاص يسالون عن هالصحون وحبيت ابلغ لكل من حاب انه يعرف وين ينباع بالضبط

تلقونه موجود بالضبط بلولو ماركت ولقيت هالاشكال بعد

الطريف في الموضوع ان خواتي حبوه وشريت منهم ههههه

ملاحظه على الهامش...تماشيا مع نصيحه ليزي ديزي باهميه اكل برتقاله كل يوم للوقايه والحمايه رحت شريت برتقال وصورته وهو بثلاجتنا :>

الله يحفظكم ولا يراويكم مكروه بغالي

2009-10-03T22:35:00.003+03:00

دعاء الحفظ

بسم الله الرحمن الرحيم

اللهم صل على محمد وال محمد

دعاء الحفظ

بسم الله خير الاسماء بسم الله رب الارض والسماء بسم الله الذي لايضر مع اسمه سم ولاداء

بسم الله اصبحت وامسيت وعلى الله توكلت بسم

الله على قلبي ونفسي بسم الله ديني وعقلي بسم الله اهلي ومالي بسم الله على مااعطاني ربي

بسم الله الذي لايضر مع اسمه شئ في الارض

ولافي السماء وهو السميع العليم

الله الله ربي لااشرك به شيئا الله اكبر الله اكبر واعز واجل مما اخاف واحذر عز جارك وجل

ثنائك ولا اله غيرك

اللهم اني اعوذ بك من شر نفسي ومن شر كل شيطان مريد ومن كل جبار عنيد ومن شر كل

سلطان شديد ومن شر قضاء السوء ومن شر كل

دابه انت اخذ بناصيتها انك على صراط مستقيم وانت على كل شئ حفيظ شهيد

ان وليي الله الذي انزل الكتاب وهو يتولى الصالحين فان تولوا فقل حسبي الله لا اله الاهو عليه توكلت وهو رب العرش العظيم

;>

2009-10-01T14:19:00.000+03:00

game zone

2009-09-02T11:17:00.005+03:00

اخوي وربعه بطلو لهم محل لبيع احهزة والعاب الغيمز ( ويي ونتندو وهالسوالف ) في اسواق القرين...

ومو لاني اخته بس صج اسعارهم حلوه وارخص من الرحاب ... ويقدرون يوفرون لكم الالعاب الغير متوفره بالسوق .. او يطلبون لكم العاب من النت :>

وعندهم ركن للالعاب المستعمله اذا تحبون تبيعونهم او تشترون منهم :>

الله يبارك لهم في رزقهم ويزيدهم من خيره وفضله

وحطيت لكم عنوانهم اللي يحب يشوف .. و ارقامهم للاستفسار :>
ترا رقم المحل 11 بس مادري ليش طالع 1 بالصوره

ملاحظه: خدمه التوصيل مو متوفره حاليا...بس بيحطونها قريب

مو خفت الرطوبه؟

2009-08-25T11:56:00.004+03:00

السنترال عندنا بالدوام بارد على غير عاده

يرد علي " كلاص ماكو عرق في هوا برا "

شرد عليه؟؟

اللهم اني صائمه

ملاحظه: هالصوره اخذتها من دريشه غرفتي قبل جم يوم الصبح قبل لااطلع للدوام

اهلا رمضان

2009-08-21T21:37:00.002+03:00

يا حلو هالشهر

دخلته علينا تشرح النفس وتسر الخاطر

بكل بيت تستعد له بطقوسها الخاصه وفرحته يحس فيها الصغير قبل الكبير

وتعود الذكريات وتزيد اللمات وتكثرالطاعات

يا حلوه من شهر

ولهنا عليه وايد

حياك الله يا شهر الخير البركه

واقولكم جميعا

^^^^ مبارك عليكم الشهر ^^^^

وعسى الله ويتقبل صيامنا وقيامنا ويغفر لنا ويتقبل جميع اعمالنا

وكل عام وانتو الى الله اقرب

انا لله وانا اليه راجعون...

2009-08-17T11:17:00.003+03:00

الله يرحمهم ويغفر لهم و يصبر قلوب اهلهم على هالمصيبه

قصه حلوة من ايميلي...

2009-08-10T10:22:00.001+03:00

سأل عالم تلميذه: منذ متى صحبتني؟
فقال التلميذ: منذ ثلاثة وثلاثين سنة ...
فقال العالم: فماذا تعلمت مني في هذه الفترة؟ !
قال التلميذ: ثماني مسائل...
قال العالم :إنا لله وإنا إليه راجعون ذهب عمري معك ولم تتعلم الا ثماني مسائل؟ !
قال التلميذ: يا أستاذ لم أتعلم غيرها ولا أحب أن أكذب ...
فقال الأستاذ: هات ما عندك لأسمع ...
****** ****** ****** ****** ****** ******
قال التلميذ:
الأولى :
أني نظرت إلى الخلق فرأيت كل واحد يحب محبوبا فإذا ذهب إلى القبر فارقه محبوبه
فجعلت الحسنات محبوبي فإذا دخلت القبر دخلت معي .
الثانية:
أني نظرت إلي قول الله تعالي : ' وأما من خاف مقام ربه ونهى النفس عن الهوى فإن

الجنة هي المأوى' فأجهدت نفسي في دفع الهوى حتى استقرت على طاعة الله .
الثالثة :
أني نظرت إلي هذا الخلق فرأيت أن كل من معه شيء له قيمة حفظه حتى لا يضيع ثم
نظرت إلي قول الله تعالي: ' ما عندكم ينفذ وما عند الله باق ' فكلما وقع في يدي شيء ذو قيمة وجهته لله ليحفظه عنده .
الرابعة:
أني نظرت إلي الخلق فرأيت كل يتباهي بماله أو حسبه أو نسبه ثم نظرت إلي قول
الله تعالى: ' إن أكرمكم عند الله أتقاكم ' فعملت في التقوى حتى أكون عند الله كريما .
الخامسة:
أني نظرت في الخلق وهم يطعن بعضهم في بعض ويلعن بعضهم بعضا وأصل هذا كله الحسد
ثم نظرت إلى قول الله عز وجل: ' نحن قسمنا بينهم معيشتهم في الحياة الدنيا '
فتركت الحسد واجتنبت الناس وعلمت أن القسمة من عند الله فتركت الحسد عني .
السادسة :
أني نظرت إلي الخلق يعادي بعضهم بعضا ويبغي بعضهم على بعض ويقاتل بعضهم بعضا
ونظرت إلي قول الله تعالي: ' إن الشيطان لكم عدو فاتخذوه عدوا ' فتركت عداوة الخلق وتفرغت لعداوة الشيطان وحده ..
السابعة:
أني نظرت إلى الخلق فرأيت كل واحد منهم يكابد نفسه ويذلها في طلب الرزق حتى انه قد يدخل فيما لا يحل له .
ونظرت إلي قول الله عز وجل: ' وما من دابة في الأرض إلا على الله رزقها ' فعلمت أني واحد من هذه الدواب فاشتغلت بما لله عليّ و تركت ما لي عنده .
الثامنة :
أني نظرت إلي الخلق فرأيت كل مخلوق منهم متوكل على مخلوق مثله , هذا على ماله
وهذا على ضيعته وهذا على صحته وهذا على مركزه .
ونظرت إلي قول الله تعالي ' ومن يتوكل علي الله فهو حسبه ' فتركت التوكل على الخلق واجتهدت في التوكل على الله .

فقال الأستاذ: بارك الله فيك

ناصفوه...

2009-08-06T09:36:00.003+03:00

غني يا عصافير وزغردي ...ولد إمام الهدى والبشر

أطياب آيات التهاني وبأهل التبريكات نبارك لكم مولد النصف من شعبان

مولد الإمام المهدي الحجة المنتظر عجل الله فرجه الشريف عليه وعلى آله أفضل الصلاة وأتم التسليم

ناصفه شعبان لها طقوس مميزه ببيتنا.. غير الاعمال والتجمع حول التلفزيون عشان نشوف مظاهر الاحتفال

كل سنه بهالوقت نكون صايمين.. نصوم 13 و14 و15 ... ويوم الناصفه خالتي تكون مسويه فطور جماعي بكل مالذ وطاب من الاكلات الشعبيه ( حلوى عيش، مبصل ، هريس ، تشريب ، مجبوس ، مقالي وسمبوسه وكبب .. الخ ).. وفوق كل هذا تعطينا حلاو وسبال محموس خصيصا بهالمناسبه

وهم هالتاريخ يكون مميز لان كل سنه ابوي يميعنا ويحسب لنا الخمس فنكون لاهيين بالجمع والضرب والقسمه .. وبعد ما نخلص كل سنه ابوي يهددنا ان هذي اخر سنه يحسب لنا ومن السنه اليايه لازم نحسب خمسنا بروحنا ههههه... (( حبيبي والله باباتي كل سنه نتعبه ))

وقبل بليله امي الله يرحمها تاخذناتودينا الحسينيات ونروح مسجد الصحاف نعطيهم فيمتو (( مادري ليش ))

هالسنه صار الوضع غير .. بحكم تعب خالتي فماكو فطور جماعي وعشان اختلاف حسبه الوقت مارحنا مسجد الصحاف.. احس ان شي كبير ناقص وتعودنا عليه وربينا عليها.. الله يشافيها ويقومها بالسلامه وان شاء الله نرد مثل اول وهالعاده الحلوه ماتنقطع

ونسألكم الدعاء

عيب...

2009-08-05T11:55:00.003+03:00

لما تبوح حق صديق او صديقه بموضوع خاص او بمعلومه معينه خااااصه فيك وفيك انت بس ...
وهالصديق ياخذ هالمعلومه ويستغلها ويحورها ويستبنط منها خزعبلات وامراض نفسيه ويركض حق صاحب المعلومه يقوله استنتاجه "الع.. بقري " عن اخر العلل و الامراض النفسيه ويزيد عليهم جم صفه اخلاقيه من اللي قدر ت شطحات مخه تفسرها وعلى وجهه نظره الانتصار جنه مكتشف الذره ويعززها بتصرفات عفويه صدرت منك من 10 سنين... وتطلع الروشته الحل السريع والعجيب لحل لجميع امراض العصر المستعصيه وفوقهم جم كريم لعوار الظهر مع التاكيد على النظره السوداويه للمستقبل اذا ما التزمت حرفيا بالتوصيات لدرجه انك تلوع جبدك وتستغفر ربك الف مره من اللي خلاك تفكر ولو للحظه انك تبوح حق احد بشي مضايقك بيوم من الايام

والله عيب

لن ننسى...

2009-08-02T13:12:00.007+03:00

الله لا يعودها من ايام.. اللهم آميين

جمعه مباركه للجميع

2009-07-31T11:34:00.004+03:00

جعل الله الجنة داركم والرسول وآله من جيرانكم
والسندس لباسكم ومن الحوض شرابكم
ياقيوم: انت القائم على كل نفس
بماكسبت

اجعلني واحبتي ..ممن
يطيعك ويقوم بحقك وامرك،ولا يغفل عن ذكرك..
" جمعه مباركه"

الدوام بعد الاجازة...

2009-07-26T23:22:00.004+03:00

كنت جذي..

صرت جذي...
وبالنهايه جذي...

Wear Sunscreen...

2009-07-23T05:45:00.002+03:00

وايد قديم .. ووايد مغبر.. بس وايد حلو... انجوي :>

2nd chance ...

2009-07-06T01:47:00.000+03:00

مع انه من النوادر اني اغير فكرتي بكتاب... اذا قلت لء يعني اعدام واذا حبيته ممكن اعيد قرايته 3 مرات.. fس هالفكره تغيرت مؤخرا وتحديدا بهالاسبوعين اللي فاتو

اول ما قريت روايه " the alchemist " ما عجبتني ولا فكرت اكمل العشر صفحات... شريت منها يمكن 3 نسخ وحده عطيتها صديقتي الصدوق والثانيه قطيتها بلبنان من جم سنه واخر مره شريتها من جرير وقطيتها بالبيت .. حزتها شنيت حرب قمت ادافع فيها عن حقي في رفض وقبول اي كتاب او اي فكره اشوفها منطقيه او لء بالنسبه لي... ويمكن من كثر ما دافعت عن حقي في رفضه ما قمت اتقبل ارد اقرا صفحه زياده منه

مع الوضع اليديد ومع وجود الباشا حسين سهران طول الليل ومسهرنا معاه .. عطاني مجال انفض الغبار عن مكتبتي القديمه واقرا صفحات من هالكتاب.. تغيرت فكرتي فيه.. وحسيت اني ادين حق المؤلف باعتذار هههههه

العكس صحيح بالنسبه حق الروايه الثانيه المقطوطه يمها ههه ¨my sister ´s keeper¨ ... كنت وايد متشوقه اني اقراها خاصه بعد ما سمعت عن الفيلم والمؤلفه.. وتقريبا دخت السبع دوخات على ما حصلتها لان ابوي الغالي مسوي حظر على طلبات كتب امازون خاصه بعد الكتاب الاخير اللي دفعت 3 اضعاف سعره على الشحن والتوصيل ههه

القصه حلوه وممكن تشد اي احد غيري .. بس انا ما قدرت اكمل بعد صفحه 42

حسيتها دخلتني بدهاليز رماديه مابي اذكرها... وصحت فيني مشاعر كنت خاشتها باعمق ركن باقصى زاويه من عقلي الباطن .. مشاعر حتى بحزتها ماكنت ابي احسها.. فتسكر الكتاب

مادري اذا ممكن اغير فكرتي فيه بعدين ويحل محل " الخيميائي " -بالعربي- بيدي :>

بالنهايه كل شي بالدنيا يستحق فرصه ثانيه... واللي ما تقبله اليوم باجر بتتغنى فيه او مثل ما ذكرت قصيده خالد الفيصل اللي تغنى فيها عباس ابراهيم مقطع... من يرفض العشر بيقبل عقبها سبع

نصيحتي لكم ...ضايقكم شي بعدوه ولا تجبرون نفسكم تمشون فيه لان العرف والبيئه اللي دار مدارنا ماشيه فيه... بس في المقابل عطو اي شي انتو ماخذين عنه فكره قديمه فرصه يديده يمكن تحبونه ويطلع من جل اشياءكم المفضله :>

ودمتم سالمين

يوميات نيو مام... الاسبوع الاول

2009-06-25T19:47:00.001+03:00

هالبوست نسائي بحت....بتنازل بهالاربعين يوم وبسلف يومياتي حق اختي ههههه

وايد ناس يتساؤلون عن برنامج النفاس والحياه مع النيو بيبي.. اقولكم لا تخافون

انا بكتب من منطلق وضعنا

امي متوفيه الله يرحمها وهذا تقريبا اول حفيد يتنفس عندنا وخاصه ان ما عندنا خبره بهالموضوع كلش ملش ... كنا شايلين هم هالموضوع ونحاتي وما خلينا موضوع بالانترنت او وحده عندها عيال ما سالناها عن نصايح ومشورات :>

عمتي حبيبه قلبي ما قصرت يت عندنا وهدت حفيدتها الاولى ( عمرها شهرين ) عشان تجابل اختي بالاربعين.. وما قصرت علمتنا اشياء وايد ووضحت لنا العلم من الاساطير هههه... اكتشفنا ان الوضع سهل ممتنع بس طلع اسهل من اللي كان براسنا :>

عمتي وخالتي ( خاله ابوي ) وام مرت اخوي .. كلهم ما قصرو معانا وخاصه عمتي

بالنهايه الله سبحانه وتعالى ما يقصر والحمدالله رب العالمين

حبيت اشاركم تجربتنا بالربع الاول من برنامج النفاس بالحساوي ستايل لوووول

الربع الاول ببرنامج الماما

******************

طبعا اول 10 ايام مهم جدا انها تكون مغطيه راسها وريولها والمكان اللي تقعد فيه يكون دافي... الترديد يكون خلال 3 ايام 6 و 7 و8 والهدف منه تخلص من الماي المتجمع بالجسم ورد الرحم الى مكانه الطبيعي ... اختي يابت ام جاسم القلاف وارتاحت منها
ويوم التاسع تغسل راسها عشان تبتدي تصلي...

بالنسبه للاكل بحط لكم صور اكلات تاكلها بهالفتره ( سوتها عمتي او تيينا من الاهل والجيران والحبايب ) وشنو فايدتها طبعا الريوق ثابت يا عصيد يا خبيص ( بثيث ) او حسو مع الادويات

وقبلها على الريج لازم تبلع اللهوم ونفس الشي قبل النوم

الغدا والعشا غالبه طبق رئيسي مع شوربه وسلطه عشان الالياف والفيتامينات

برنامج النفاس تقدرون تاخذونه من اي مكان .. احنا شريناه من ام خالد الهاجري.. الحسو تقدرون تاخذونه من اي حواي وانا انصحكم بحواي القادسيه او الفيحا او من مطاحن سمراء عدن

الحسو...

العصيده...

الخبيصه او البثيث...

هذي مادري اذا احد ياكلها غيرنا اسمها قريصات ... عباره عن عجينه طحين وتمر وحسو تنقلي وترش بسكر بودر

مرقوقه...توكل غالبا كعشا

هذي شخصيا ماحبها مروق ادام دسم مع خضار ...وتوكل اول يومين عشان الوهن اللي تحس فيه الحامل

قبوط...عشان يثقل الرحم

فوح ادام مع رشاد ومادري شنو...عشان تنظف الرحم وتوكل بين الوجبات

خثرة... مغذيه عشان السمج والخضار وبنفس الوقت خفيفه على المعده

فريكه... مدره للحليب

عيش وحلبه ... توكل اما مع لحم او دياي ويوم التاسع او العاشر تطبخ مع ديايه محشيه بصل وبيض واعشاب

صرت خاله...

2009-06-17T20:14:00.002+03:00

بعد 12 ساعه تقريبا بالمستشفى
وبعد معرفه كل مسميات والمسكنات اللي تستخدم بالولاده
وبعد ما طلعت اعصابي على ستاف النيرس ودكاتره التخدير برويال حياه

وصل احلى بيبي بالسلامه وخلاني نيو خاله

والحمدالله رب العالمين

سبحان الله شلون انسان ضئيل واحمر وبس يبجي يقدر يأسر قلبي بهالسرعه ويخليني اتعلق فيه

الله يحفظ لكم عيالكم واحبابكم

ودمتم سالمين

busy

2009-06-14T12:08:00.004+03:00

تييكم حاله تحسون ان ال24 ساعه مو كافيه؟؟

ان جدول المشاوير يطول ويطول واللي ينشطب منه شي ما يذكر

اتمنى حاليا عصاه سحريه ترجعني 48 ساعه لي ورا عشان اخفف المتكود فوق راسي

دوام لويه
وبالبيت لويه اكثر
وبنت الديره اللي بداخلي لويتها اكبر منهم

الله يسهل ان شاء الله واتركم بحفظ الله ورعايته

ملاحظه : انا اكتب هالبوست وبيدي تقرير لازم اخلصه وزميلي قاعد يحن علي من ورا البارتشن علشان اصيغ له كتاب اعتذار عن دوره ولازم ادق على البيت اتطمن على شغله وصلت ولا لء

من جد وجد...

2009-05-21T12:11:00.003+03:00

الحمدالله بعد هالتعب والالتزام ويت النتيجه .. كرمت الموظف المثالي من ادراتي ومن قطاعي
الحمدالله اللي ما يضيع تعب.. وايد حلو هالشعور اتمنى لكم كلكم انكم تحصلون على التقدير بعد اي جهد تقومون فيه :>

وكلام ابوي طلع صح :>

مبروك عليج يا كويت....

2009-05-17T12:01:00.002+03:00

كن بلسما...

2009-04-26T00:16:00.002+03:00

قصيده تدعو الى التفاؤل و حلوه وتسا تعود الى ايليا ابي ماضي... القصيده طويله انا اخذت جزء منها من ويكبيديا

كـن بـلـسماً إن صار دهرك أرقما وحـلاوة إن صـار غـيـرك عـلـقما

إن الـحـيـاة حـبـتـك كـلَّ كـنـوزهـا لا تـبخلنَّ على الحياة ببعض ما ..

أحـسـنْ وإن لـم تـجـزَ حـتى بالثنا أيَّ الجزاء الغيثُ يبغي إن همى؟

مَــنْ ذا يــكـافـئُ زهـرةً فـواحـةً؟ أو مـن يـثـيـبُ الـبـلـبل المترنما؟

يـاصـاحِ خُـذ عـلـم الـمـحبة عنهما إنـي وجـدتُ الـحـبَّ عـلـمـا قـيـمـا

لـو لـم تَـفُـحْ هذي ، وهذا ما شدا، عـاشـتْ مـذمـمـةً وعـاش مـذمـمـا

أيـقـظ شـعـورك بـالـمـحبة إن غفا لـولا الـشعور الناس كانوا كالدمى

أحبب فيغدو الكوخ كونا نيرا وابغض فيمسي الكون سجنا مظلما

ابديت هديه عيد ميلاد الغاليه...

2009-04-24T23:44:00.000+03:00

بعد اقل من نص ساعه اختي اختي تكمل ال18 سنه... حبيت اخذ لها هديا متفرقه على اشياء ادري انها تحبها
ولانكم ساعدتوني بالاختيار حبيت اراويكم ...

من ريفر ايلاند

من ريفر ايلاند

من فافافوم عطر سيت باريس هيلتون

من ايف سان لوران يونغ اند لوفلي

من نكست .. دلاقات لي الركب

اصباغ من بورجوا.. الالوان قامجه بس هذا ذوقها .. اخذتهم من بوتس

من كريزي بوكس اخت لها لعبه هالو كيتي الكبيره + لعبه كوشيه هلو كيتي على قلب + زبالتين مكتب صغار + حامل اقلام هالو كيتي مع لعبه + سكارف هالو كيتي + سجاده هالو كيتي

من زارا هوم... صحن صغير لانها تحب تامل فيهم + شوبيستيك :> (( هذي سالفه بيني وبينها ))

شبابيص من كليرز

تراجي هم من كليرز

صندوق هالو كيتي داخله اغنيه وهالو كيتي تفتر وايد حلو من كليرز

عقد و سلسله ايد هالو كيتي من كليرز

غطا عين من ليتمد توو .. اختي عندها بيجامه من بيكوكس على شواذي ويمشي معاها

لعبه ستيكي تلزق فيها اشياء كانت عاجبتها

جنطه وداخلها فوطه من ليمتد توو

هذي الفوطه

مبرد مكتوب عليه برنسس من ليمتد توو

العاب من ليمتد توو

محتاره..

2009-04-23T11:39:00.002+03:00

اختي الصغيره آخر العنقود السكر المعقود

عيد ميلادها عقب باجر

بتكمل 18 سنه

وحدي محتاره بالهديه!!!!

لو الود ودي ايب لها كنوز الدنيا كلها

بس صج مو عارفه شاخذ لها

ابي شي مميز

ويعجب هالفئه العمريه

مابي اعطيها لا فلوس ولا كرت

ومابي اخذ لها مكياج لانها اصلا محتكره مكياجي

فكرت ببوك او جنطه ماركه بس اهي ما تحب تلبس

اي اقتراحات؟

what goes around..comes around

2009-04-22T22:14:00.008+03:00

هذي وحده من شعاراتي المفضلة...

وبالنسبه لي وايد وايد وايد اؤمن فيها... واخذها من مبدا

" يمهل ولا يهمل" والنعم بالله

ولاني متاكده مهما صار ومهما تاخر الوقت بس كل حق ضايع بيرد حق صاحبه

وكل خير سويته .. سواء قطيته بحر ونطرت الاجر ولا تشيحطت فيه بيرد لك

وكل شر وخبث وسوالف من تحت لي تحت سويتها باحد او ناوي تسويها بتطيح فيها مثل المردم

شخص عزيز ضايقك؟

شخص سوالك شي مو زين ؟

وثقت بناس وطعنوك من الخلف؟

سويت خير بناس مو كفو؟

just relax and let karma handle it

تؤمنون بهالشي؟

دعاء الصباح...

2009-04-13T08:59:00.006+03:00

دعاء الصباح الادعيه الرائعه جدا .. تعطيني سكون نفسي وذهني لما اسمعها..

تعودت دايما اسمعه وانا طالعه الصبح ..وصار جزء من روتيني.. وكل ما اسمعه اكثر كل ما احبه اكثر ..

وهو طبعا من الأدعية المشهورة عند أمير المؤمنين عليه السلام ... وهذي صوره من بدايه الدعاء بخط ايده والسطر الثاني بخط المترجم

حملت الدعاء بصوت سيد مهدي المنوري بآخر البوست ..وصوته عجييييييب وهو يقرا هالدعاء

.................................

اللهم يا من دَلَعَ لسان الصباح بِِنُطْقِ تبَلُّجِهِ
وسَرَّح قِطع الليل المظلم بغياهب تلجلُجه
وأتقن صنع الفََلك الدوّار في مقادير تبرُّجه
وشعشع ضياء الشمس بنور تأججه

يا من دل على ذاته بذاته

وتنزه عن مجانسة مخلوقاته

وجلّ عن ملاءمة كيفياته

يا من قَرُبَ من خطرات الظُنون

وبَعُدَ عن لحظات العيون

وعلم بما كان قبل أن يكون

يا من أرقدني في مِهَادِ أمنهِ وأمانه

وأيقظني إلى ما منحني به من مِنَنِهِ وإحسانه

وكَفّ أكُفَّ السوءِ عني بيده وسلطانه.
صلِّ اللهم على الدليل إليك في الليل الأليل

والماسك من أسبابك بحبل الشرف الأطول

والناصع الحَسَبِ في ذِروة الكاهل الأعبَل

والثابت القدم على زحاليفها في الزمن الأول

وعلى آله الأخيار المصطفين الأبرار

واْفتح اللهم لنا مصاريع الصباح بمفاتيح الرحمة والفلاح

وألبسني اللهم من أفضل خلع الهداية والصلاح

واْغرس اللهم بعظمتك في ِشربِ جَناني ينابيعَ الخُشوع

وأجْرِِ اللهم لهيبتك من أماقيَّ زفرات الدموع

وأدِّب اللهم نزَق الخُرْقِ مني بأزِمَّة القُنوع

إلهي إن لم تبتدئني الرحمة منك بحسن التوفيق

فمن السالك بي إليك في واضح الطريق؟

وإن أسلَمَتني أناتُك لقائد الأمل والمنى

فمن المقيل عثراتي من كبوات الهوى؟

وإن خَذَلني نصرُك عند محاربة النفس والشيطان

فقد وكَلَني خُذلانُك إلى حيث الَّنصَبُ والحرمان.
إلهي أتراني ما أتيتك إلا من حيث الآمال

أم عَلِقْتُ بأطراف حبالك إلا حين باعَدَتني ذنوبي عن دار الوِصال

فبئس المطيةُ التي اْمتَطَتْ نفسي من هواها

فواهاً لها لما سوَّلت لها ظنونها ومُناها

وتباً لها لجرأتها على سيدها ومولاها

إلهي قَرَعْتُ باب رحمتك بيد رجآئي

وهربتُ إليك لاجئاً من فرط أهوائي

وعلَّقتُ بأطراف حبالك أنامل ولائي

فاْصْفَح اللهم عما كنت أجرمته من زللي وخطائي

وأقلني من صَرعة ردائي

فإنك سيدي ومولاي ومعتمدي ورجائي

وأنت غاية مطلوبي ومناي في منقلبي ومثواي.

إلهي كيف تطرد مسكيناً اْلتجأ إليك من الذنوب هارباً

أم كيف تُخَيِّبُ مسترشداً قصد إلى جَنابك ساعياً

أم كيف ترد ظمآناً وَرَدَ إلى حياضك شارباً؟

كلا وحياضُك مُترعة في ضَنْك المُحُولِ، وبابك مفتوحٌ للطلب والوُغول، وأنت غاية السُّؤْل ونهاية المأمول، إلهي هذه أزِمَّةُ نفسي علّقتُها بِعقال مشيئتك، وهذه أعباء ذنوبي دراْتُها بعفوك ورحمتك، وهذه أهوائي المُضِلّةُ وكَلْتُها إلى جَناب لطفك ورأفتك، فاْجعل اللهم صباحي هذا نازلاً عليّ بضياء الهدى، وبالسلامة في الدين والدنيا، ومسائي جُنّةً من كيد العِدى ووقايةً من مُرديات الهوى، إنك قادر على ما تشاء، تؤِتي الملك من تشاء، وتنزع الملك ممن تشاء، وتعز من تشاء وتذل من تشاء، بيدك الخير إنك على كل شيء قدير، تُولج الليل في النهار وتُولج النهار في الليل، وتُخرج الحي من الميت، وتُخرج الميت من الحي، وترزق من تشاء بغير حساب.

لا إله إلا أنت سبحانك اللهم وبحمدك، من ذا يعرف قدرك فلا يخافك، ومن ذا يعلم ما أنت فلا يهابك، ألّفت بقدرتك الفِرَق، وفَلَقْتَ بلطفك الفَلَقَ، وأَنَرْتَ بكرمِك دياجي الغسَق، وأنهرت المياه من الصُّـمِّ الصياخيدِ عذباً واُجَاجَاً، وأنْزَلْتَ من المُعصرات مَاءً ثجّاجاً، وجعلت الشمس والقمر للبرية سراجاً وهّاجاً، من غير أن تُمَارِسَ فيما ابتدأت به لُغوباً ولا عِلاجاً، فيا من تَوَحَّد بالعزِّ والبقاء، وقَهَرَ عباده بالموت والفناء، صل اللهم على محمد وآله الأتقياء، واْسمع ندائي، واْستجب دعائي، وحقق بفضلك أملي ورجائي، يا خير من دُعِي لكشف الضر والمأمول في كل عسر ويسر، بك أنزلت حاجتي فلا تَرُدّنِي من سَنِيِّ مواهبك خائباً يا كريم يا كريم يا كريم، برحمتك يا أرحم الراحمين، وصلى الله على خير خلقه محمد وآله أجمعين.

ثم اسجد وقل:

إلهي قلبي مَحجُوب، ونفسي مَعْيُوب، وعقلي مَغْلُوب، وهوائي غالب، وطاعتي قليل، ومعصيتي كثير، ولساني مُقِرٌ بالذنوب، فكيف حيلتي يا ستَّار العُيوب، ويا عَلاَّم الغُيوب، ويا كاشف الكُروب، اْغفر ذنوبي كُلَّهَا بحُرْمَةِ محمد وآل محمد، يا غفار يا غفار يا غفار برحمتك يا أرحم الراحمين.

i'm happy...wish me good luck

2009-04-09T17:08:00.002+03:00

حطيت اول خطوة في مسيره حلم كنت اتمناه من فتره طويله

سعيده بالبدايه وايد وفرحتي فيها فرحه طفل بيده هديه يديده.... وادري انها مجرد بدايه حق مسيره طويله

والنتايج للحين مو مضمونه .. سويت اللي علي جهزت عدتي وتسلحت باللي اقدر عليه واقولك يالله يا رحمن لا تخيب رجاي

اتمنى النجاح فيها ومواصله اصراري بنفس الحماس اللي بديت فيه حتى مع العراقيل اللي بشوفها بويهي

ادعولي بالتوفيق

قرت عيني...

2009-03-29T18:36:00.002+03:00

هياااا

واخيرا لقيت حل حق فلاشي
وعشان تكونون بالصوره
عندي فلاش وايد عزيز علي
وايد فيه داتا بالنسبه لي برايسلز
وانكسر راسه وصار معوق
ضاق خلقي فتره خاصه بعد ما قالولي انه ما ينلحم لان الداتا بتضيع بالحرارة
ولاني ما اعترف بكلمه مستحيل شلت شلايلي ورحت اليوم حولي بشارع ابن خلدون
وبعد كذا محل طحت على الفني اللي حقق لي الهدف ههه.. شوفوه بعد النيو لوك

وعليه على فلاشي صار مفضح... عاد انا ما صدقت رجعت لي الداتا

يوم قالي ب7 قلت لو بسبعين بعطيك وقعدت اقوله ثنكيو من المحل لي باب سيارتي

طبعا لفيته لفه قشره بالكلينكس وكنت ماسكته بيدي عشان لا يخترب

ورحت شريت من بست باي فلاش يديد (( ترا ما يصير حق بست باي امريكا ))... وحولت الداتا وانا الحين سعيده :]

امي يا نبع حنيّة..

2009-03-19T13:31:00.003+03:00

باجر عيد الام

كل عام وانتو بخير

امي كل الحنان كل الرقه والحزم مجتمعين...

راحت قبل لا اقول لها شكثر احبها وشكثر اهي مميزه وشكثر انا محتاجتها بحياتي...

صدقوني مستعده ابيع الدنيا باللي فيها عشان لحظه وحده احط راسي بحضنها..

الله يرحمج يا يمه....

ولهت عليج واااايد...

ماقدر اهديلج الا الدعاء...

عسى الله يرحمج ويسكنج واسع جنانه ويرفعج لي العليين ويحشرج مع الائمه الهدى...

اللهم آمين

كتب انصحكم فيها...

2009-03-16T14:14:00.003+03:00

خلال مسيرتي الرجيميه قريت وايد كتب تدّعي انها متخصصه بهالمجال
ما انكر اني استفدت منهم
بس اكثر الكتب قربا الى قلبي ويهبلووووون
كل كتب جروج كروز... انا ما اقولكم اشتروهم كلهم لان اغلب الحجي مكرر.. انا عندي 4 كتبه اكثر واحد حبيته هذا
التمارين اللي فيه خفيفه وما تعب بس مفعولها قوي والشي الثاني اللي عجبني فيه انه ملون :>

هالكتاب من الكتب الرائعه جدا.. يمس القلب من داخل.. والحلو فيه انه في تمارين ان ال بي عشان تمرن النفس
وااايد حلو هالكتاب ويهبل ويهم كل من حاط بباله يكون رشيق بالمستقبل لانه يتكلم عن المسببات الاسياسيه ورا السمنه وشنو الافكار والمعتقادات الغلط اللي نشيلها معانا ووصلتنا لي هالوزن

hoping and wishing...

2009-03-15T11:24:00.000+03:00

جوله في القهوة الشعبية...

2009-02-15T13:30:00.004+03:00

هالجوله اخذتها قبل جم يوم...

لان اخر مره كنت رايحه قهوه قبل الغزو اذا مو اكثر...

بس صج استانسنا بهالطلعه ...

الجو كان حلو ....

والمكان ما كان زحمه... ما قدرت اصور عدل عشان الناس الموجوده معانا

طبعا مكانها قبال المرينا تقريبا.. الاشاره تاخذونها فوق تحت وبتلقونها على ايدكم اليمين... بس المسافط الكبيره كملو سيده وبتشوفون لفه يمين لان المسافط الي قبالها كانت فل...
اول ما تدشون بتلقون محلات تبيع حلويات شعبيه .. وواحد يبيع حلوى حاره

كملنا سيده واخذنا جوله لان اول مره ندشها ... صور الكراسي مو واضحه للاسف...

ولان اختي فديتها معانا فلازم نروح الالعاب نونسها...

ولان البرد ييوع... مرينا اللي يسوي خبز رقاق.. طلبنا محشي جبن وكان عنده حشوات ثانيه بس الاجماع يحبون الجبن هههه.. كان اكو يمه بقاله و محل نخي وباجيلا ومال المشويات... ما رضو اصورهم واحترمت رغبتهم

ركزو اني قلتله ابتسم عشان الصوره تطلع حلوة ...

وبالعافيه علينا...ههههه
ولازم معاها كبايه الشاي المخدر >> مو لايق كبايه ومخدر هههه

تفضلو بسم الله :>

شوي واحنا قاعدين ولا حبيبه قلبي اختي يايه ومعاها المشاوي.. (( ركزو يعني اعرف اسوي حركات بالفوتوشوب هههه))

جبده وعرايس و كباب...

واختي تقولكم تفضلو ...

ولان الجبده غرامي خذيت كلوزر لوك هههه

تعشينا وعينا من الله خير وركبنا سيارتنا وردينا البيت.. على امل تنعاد هالرحله مره ثانيه :)

زيده وارحم عبيده ...

2009-02-01T10:48:00.004+03:00

العزيزه nanonano نزلت بوست قبل يومين عن المطر... هديت لها تعليق طق مطر؟؟؟

امس رفيجتي دقت تقولي المطر يهبل... طليت من الدريشه ماكو شي!!!

قلت بقلبي شالسالفه ليش ما شفته للحين :(

عاد انا امووت على شي اسمه مطر ... الناس اذا طق تنخش منه وانا اطلع عشان احس فيه اكثر

اليوم وانا طالعه الصبح رايحه الدوام.. لااله الا الله

مطر يهبل

غسل الشوارع والزرع... وحتى القلب

طق يا مطر طق

بيتنا يديد

مرزامنا حديد

واخيرا شفته :>

نوير...

2009-01-29T13:28:00.004+03:00

ارق واحلى وانعم ورده بالدنيا...

من اشوفها لو شنو كان مودي احس بالتفاؤل...

حدي احبها ...

واستانس وايد لما اشوفها ...

صج عجيبه هالورده...

هالصوره صورتها وانا راده البيت.. سفطت بنص الشارع وصورتها.. شكلي كان تحفففه

للاسف...مااتوقع بيطلع نوير يم بيتنا بعد صبخه البنيان

اتمنى لكم نهايه اسبوع سعيده وكلها تفاؤل ومحبه
ودمتم سالمين

كابات علم الكويت...

2009-01-28T19:20:00.007+03:00

رحت ذيك المره سوق بو 100 ولا القى هالكبابيس حدها تشوق

واحد جنه قنفذ والثاني جنه تنين

شريت 2 حق خواتي الصغار

ولازم الفوم معاهم .. وقررنا انهم بيكونون من استعدادات الاحتفال بالعيد الوطني وعيد التحرير

بس اللي ما حسبنا حسابه

اخـــــوي

قرر انه ماكو مسيره هالسنه لانهم يننوه العام

وانا ماحب الزحمه فاكيد مرح افتر فيهم

فرح يصير احتفالنا بيتوتي جدام التلفزيون

باي ذا واي .. وادري اني داشه عرض

هالحلو ينن ويصلح للرجيم بعد .. احلى 300 كالوري اقرر اكلها ههههه

عطري المفضل اليديد...

2009-01-27T16:01:00.004+03:00

عادة بالشتا ما استخدم الا العطور العربية او الطيب والبخور...

نادر ما اشتري غيرهم...

وحتى بالصيف لما استخدم العطور الفرنسيه او غيرها.. دايم ادور الشي الخفيف وذوقي تقريبا ثابت

غوتشي

ديور .. فريت على اغلب عطورهم

عطر كاريتا بس هالحجي من زمان لما كان موجود بالكويت

كوكو مامدوزيل ما كنت استخدم الا عطر الشعر وبس يعني ما كنت افكر ادور غيرهم

بس لما شميت كلوي... ماقدرت اقاومها

امبييه عجيييب عجييييب

صج صج دش وعشعش بمزاجي وخلاني اغير عادتي القديمه

واخليه متربع على عرش عطوري المفضله الشتويه بالاضافه الى مجموعه جنيد

بس خلاص ... لا للعزايم...

2009-01-23T21:30:00.001+03:00

ليش بس ليييييش لما اسوي رجيم وانزل لو حتى 100 غرام... تهل العزايم من كل صوب وطبعا ما يحتاج اوصف التفنن بالاطباق

وتكثر الهدايا والعطايا المسمنه

بالفتره اللي طافت نزلت 5 كيلوات

شحلوي وشزيني

اليوم رديت منهم 3 كيلوات

هذا نموذج من الاسبوع اللي طاف

ككاو من بلجيكا...ثانكس لولي

خاله ابوي الله يطول بعمرها متنقصه قيمه لحم عجييييبه

منمن صديقتي عزمتني على برايم اند توست على بوب كون شريمب وموتزريلا وتين وسلطه وبرجر.. بس الصج الصج جوسي ويهبلللل

بذمتكم شنو تسوون

بس وقفت وقفه جاده مع نفسي وانا ونفسي قررنا

ماكو عزايم

ماكو تخربط

ماكو هدايا مغرضه

وبنشوف يا انا يال "50 "

wish me good luck

من خيرات الشتويه...

2009-01-15T12:51:00.003+03:00

بالنسبه لي الفقع جواهر.. احبه واحب اكله بس ماكنت اعرف انظفه..

ابوي فديت قلبه ياب لي 10 كيلو وانا مريضه...

بعد ما صحصحت سويت لي سيرج يمكن ساعه على طريقه تنظيفه ماخليت موقع ما قريته...

شمرت عن ذراعي وناديت خدامتنا وبلشت بالتطبيق...

كنت حزتها ابي مجبوس لحم وفقع...

صورت بس صحني...

بسم الله :>

AaTsHOoOoO

2009-01-12T08:16:00.012+03:00

ما اشوف شر .. وديرو بالكم على روحكم...

مادري ليش مناعتي صايره ضعيفه هالايام؟؟؟ مع ان اول كل اللي بالبيت يستمرض وانا الوحيده الصاحيه...

الحمدالله على كل حال

عذروني تاخرت على تعليقاتكم بس اوعدكم اول ما انتصر على هالفيروس المليغ برد عليكم كلكم :>

في امان الله

بالامس كانوا معي واليوم قد رحلوا.. اجمل ما رثي به الامام الحسين عليه السلام...

2009-01-03T18:50:00.008+03:00

أفاطم لو خلت الحسين مجدلا* وقد مات عطشانا بشط فرات

إذا للطمت الخد فاطم عنده* وأجريت دمع العين في الوجنات

أفاطم قومي يا ابنة الخير واندبي* نجوم سماوات بأرض فلات

قبور بكوفان واخرى بطيبة* واخرى بفخ نالها صلواتي

واخرى بأرض الجوزجان محلها* وقبر ببا خمرى لدى الغربات

وقبر ببغداد لنفس زكية* تضمنها الرحمن في الغرفات

وقبر بطوس يا لها من مصيبة* ألحت على الاحشاء بالزفرات

إلى الحشر حتى يبعث الله قائما* يفرج عنا الغم والكربات

علي بن موسى أرشد الله أمره* وصلى عليه أفضل الصلوات

فأما الممضات التي لست بالغا* مبالغها منى بكنه صفات

قبور ببطن النهر من جنب كربلا* معرسهم منها بشط فرات

توفوا عطاشا بالفرات فليتني* توفيت فيهم قبل حين وفاتي

إلى الله أشكو لوعة عند ذكرهم* سقتني بكأس الثكل والفظعات

أخاف بأن ازدارهم فتشوقني* مصارعهم بالجزع فالنخلات

تغشاهم ريب المنون فما ترى* لهم عقرة مغشية الحجرات

خلا أن منهم بالمدينة عصبة* مدينين أنضاء من اللزبات

عظم الله اجورنا واجوركم في مصاب ابا عبدالله الحسين عليه السلام

=قصيده دعبل بن علي الخزاعي في رثاء الامام الحسين عليه السلام

وكل عام وانتو بخير....

2008-12-28T14:05:00.005+03:00

يعلها سنه افراح وخير عليكم كلكم ولجميع المسلمين ...وان شاء الله تحقق فيها كل احلامكم وامانيكم

اموت واعرف شلووووون؟؟؟؟؟

2008-12-23T14:17:00.002+03:00

MY MOOD ... (( تحديث ))

2008-12-23T11:50:00.002+03:00

في البدايه احب اشكركم كلكم ... مشكووورين وما قصرتو والله

بذيك الفتره كنت مليغه وام دميعه لدرجه اذا ابوي دق علي بالدوام يقولي شفيج اموت من البجي...ونفس الشي بالطلعه مالي خلق اروح مكان لو منو ما يترجاني .. قلت حق روحي لازم اكتشف شنو فيني عشان اعرف اعالج روحي... بعد ما سويت سيرج على بعض الاعراض اللي كنت احس فيها وصلت لي

الاضطرابات العاطفية الموسمية
(SAD) (Seasonal affective disorder) هي نوع من الكآبة الذي يلي تتابع الفصول. ومن أكثر
أنواعه شيوعاً كآبة الشتاء. وتبدأ عادة في أواخر الخريف، وأوائل الشتاء، بينما
تختفي بحلول الصيف. أما النوع الأقل شيوعاً فيعرف بالكآبة الصيفية، ويبدأ عادة في
أواخر الربيع أو أوائل الصيف. ويختفي بحلول الشتاء.

الأسباب
يعتقد
بأن سببه يرتبط بالتغييرات في كمية ضوء الشمس في الأوقات المختلفة من السنة وقد
تؤثر على نصف مليون شخص كل شتاء بين سبتمبر وأبريل وبشكل خاص أثناء ديسمبر وياناير
وفبراير.

الأنتشار
تعاني
النساء أكثر من الرجال من الاضطرابات العاطفية الموسمية. مع نسبة ضئيلة من الأطفال
والمراهقين، وغالباً لا يصاب الأشخاص الأقل من 20 سنة بالاضطرابات العاطفية
الموسمية. أما بالنسبة للبالغين، فيتناقص احتمال الإصابة بالاضطرابات العاطفية
الموسمية كلما تقدموا في السن. وتعتبر الاضطرابات العاطفية الموسمية أكثر شيوعاً في
المناطق الشمالية.

الأعراض

الكآبة
الشتوية
تتضمن الأعراض الشائعة للكآبة الشتائية التالي:
- تغير في الشهية،
خصوصاً اشتهاء الأطعمةَ الحلوة أو النشوية.
- زيادة الوزن.
- الشعور بثقل
في الذراعان أو الساقان.
- هبوط في مستوى الطاقة.
- الشعور بالإعياء.
-
ميل للإطالة في النوم.
- صعوبة التركيز.
- الميل للطيش.
- زيادة
الحساسية للرفض الاجتماعي.
- تجنب الحفلات والاجتماعات الاجتماعية.

الكآبة
الصيفية
تتضمن أعراض الكآبة الصيفية، ضعف الشهية، ونقص الوزن، والأرق. كما تشمل
بعض أعراض الاضطرابات العاطفية الموسمية أعراض أخرى للكآبة. تتضمن هذه الأعراض
مشاعر الذنب, وفقدان الاهتمام بالنشاطات التي كنت تتمتع بها، والشعور المستمر
باليأس، ومشاكل جسدية، مثل الصداع. وتستمر هذه الأعراض بالعودة سنة بعد سنة، في ذات
الوقت كل سنة. ولا ترتبط التغييرات بالمزاج بالضرورة بحالة من الكآبة، (مثلاً
الشعور بالضيق إذا كان عاطلاً عن العمل أثناء فصل الشتاء).
المصدر : من ويكيبيديا
وديرو بالكم على نفسياتكم... طللع حتى كميه الشمس والجو لها تاثير عليها
من عذر امهات اول الفو قرص عقيلي وبيض القطا والكستنه المشويه وسوالف البرد :q... عاد تصدقون استحيت اقول حق احد ضايق خلقي من البراد.. والنفسيه تعدلت اتوماتيكي من الفشله ... وان شاء الله كلكم نفسيتاكم وحلوة وايجابيه و فوق النخل ولا تتاثرون بتغير الطقس

عوار قلب...

2008-12-12T22:58:00.005+03:00

اسم الله عليكم من عوار القلب

بهالبوست انا اتكلم عن عصير الضاحيه المسمى " بعوار قلب "

كل من يتكلم عنه ...

وكل من يتشفق فيه ...

قلت بروح اشرب شي ما لاعين رأت ولا اذن سمعت ولا خطر على قلب بشر

شلت شلايلي ورحت الضاحيه ...

طبعا قبل لاروح سويت استفتاء عن اشهر واحلى انواع عصيرهم... والاحتمالات وصلت لي عوار قلب و بوعزوز

اتفقت مع ابوي ان ناخذ واحد من كل نوع ونتبادل ونشوف ...

بعد زحمه تقريبا ساعة الا ربع ...

وشبه انهيا ر عصبي من اللوية والازعاج ...

وصلو المحتفى فيهم ...

والطعم
.

.

.

.

الحمدالله والشكر النعمه ما تنعاب

بس الصراحه رفعوو لي السما واللي ذقته شي جدا جدا عادي.. وهذا اول وتالي ذوق

ودمتم سالمين