قرت عيني...

هياااا

واخيرا لقيت حل حق فلاشي
وعشان تكونون بالصوره
عندي فلاش وايد عزيز علي
وايد فيه داتا بالنسبه لي برايسلز
وانكسر راسه وصار معوق
ضاق خلقي فتره خاصه بعد ما قالولي انه ما ينلحم لان الداتا بتضيع بالحرارة
ولاني ما اعترف بكلمه مستحيل شلت شلايلي ورحت اليوم حولي بشارع ابن خلدون
وبعد كذا محل طحت على الفني اللي حقق لي الهدف ههه.. شوفوه بعد النيو لوك

وعليه على فلاشي صار مفضح... عاد انا ما صدقت رجعت لي الداتا

يوم قالي ب7 قلت لو بسبعين بعطيك وقعدت اقوله ثنكيو من المحل لي باب سيارتي

طبعا لفيته لفه قشره بالكلينكس وكنت ماسكته بيدي عشان لا يخترب

ورحت شريت من بست باي فلاش يديد (( ترا ما يصير حق بست باي امريكا ))... وحولت الداتا وانا الحين سعيده :]

امي يا نبع حنيّة..

باجر عيد الام

كل عام وانتو بخير

امي كل الحنان كل الرقه والحزم مجتمعين...

راحت قبل لا اقول لها شكثر احبها وشكثر اهي مميزه وشكثر انا محتاجتها بحياتي...

صدقوني مستعده ابيع الدنيا باللي فيها عشان لحظه وحده احط راسي بحضنها..

الله يرحمج يا يمه....

ولهت عليج واااايد...

ماقدر اهديلج الا الدعاء...

عسى الله يرحمج ويسكنج واسع جنانه ويرفعج لي العليين ويحشرج مع الائمه الهدى...

اللهم آمين

كتب انصحكم فيها...

خلال مسيرتي الرجيميه قريت وايد كتب تدّعي انها متخصصه بهالمجال
ما انكر اني استفدت منهم
بس اكثر الكتب قربا الى قلبي ويهبلووووون
كل كتب جروج كروز... انا ما اقولكم اشتروهم كلهم لان اغلب الحجي مكرر.. انا عندي 4 كتبه اكثر واحد حبيته هذا
التمارين اللي فيه خفيفه وما تعب بس مفعولها قوي والشي الثاني اللي عجبني فيه انه ملون :>




هالكتاب من الكتب الرائعه جدا.. يمس القلب من داخل.. والحلو فيه انه في تمارين ان ال بي عشان تمرن النفس
وااايد حلو هالكتاب ويهبل ويهم كل من حاط بباله يكون رشيق بالمستقبل لانه يتكلم عن المسببات الاسياسيه ورا السمنه وشنو الافكار والمعتقادات الغلط اللي نشيلها معانا ووصلتنا لي هالوزن

hoping and wishing...