الخميس، 28 يناير، 2010

UP IN THE AIR

o
رحت الفيلم مع اختي الصغيره بعد ما قريت ريفيو وايد حلو عن هالفيلم وشكثر مرشح حق جوائز من الموقع الرسمي للفيلم

وصراحه ماكنت ابي اطوف فيلم فيه جورج كلوني ... هالانسان لما يمثل تشع منه طاقه جاذبيه  مو طبيعيه :>

 

انا وايد حبيته بعد فيلم  " O brother where art thou  "



وخاصه الاغنيه العجيبه اللي يغنونها عقب ما ينحاشون من السجن وتشتهر ههههه



  
I Am Man Of Constant Sorrow



نرد حق موضوعنا .. اكثر شي شدني وخلاني اقرر اروح الفيلم  التيزر تريلر



وهذا التريلر الرسمي


القصه باختصار عن شخص يشتغل بشركه تتطلب منه السفر الدائم وهالشي يمشي مع رغبته لانه يحب يميع اميال... وبعدين تستجد عليه ظروف و يقرر  يقيّم حياته وعلاقاته خاصه ان  السفر الدائم مو معطيه مجال يستقر بشي :>.. هذي نبذه بسيطه مابي اخرب عليكم الفيلم :>

للاسف وصلنا السينما متاخر والناس اللي يمنا كانو مزعجين بشكل مو طبيعي  والناس اللي قبالنا كانو العكس رومنسيين بشكل مززعج بلس ان سينما الكويت ماقصرت بالتقطيع وهذا شي طبيعي لان rated R

بالنهايه على الرغم من المعوقات اللي شفناها الفيلم حلو يمكن توقعته احلى من جذي بس يسوا

وعن نفسي اذا نزل دي في دي رح اشتريه :>

******

الجو رائع طلعو واستانسو واتمنى لكم اجازة نهايه اسبوع حلوه وسعيده D:


الاثنين، 25 يناير، 2010

to twilight fan or not ... funny :P




الأحد، 24 يناير، 2010

reading







the vampire diaries


الرويه نصحتني فيها صديقتي الانترنتيه SATY وانا الحين باول كتاب  ومادري ليش اقراهم احسهم يصلحون للتينز اكثر
قصه عن اخوين مصاصين دماء واحد طيب وواحد شرير يحبون بنت عاديه بالثانويه 



عموما  اللغه المستخدمه في الروايه قرايتها وايد سهله وهي سلسله طلع منها5 وباجي جم كتاب واحد منهم بينزل بشهر 5 2010 .. واعتقد ان سووه مسلسل
اللي حاب يقرا الكتاب من الانترنت يحصله كامل بهالموقع






بس شسالفه هبه الفامبير اللي صايره هالايام  ؟؟؟  ليش ماكو قصص عن اوادم طبيعيه كل من يقترح لي قصه فيها مصاصين دماء


الروايه اللي رح اقراها بعدهاسلسله فامبير اكاديمي وبعدين رح اسكر باب مصاصين الدماء للابد ههههه





الخميس، 21 يناير، 2010

اي والله احتريت

عاد توني شاريته وعليهم بالعافيه
Sent from my BlackBerry® smartphone from Wataniya Telecom

الأربعاء، 20 يناير، 2010

Congratulation brother :*

Sent from my BlackBerry® smartphone from Wataniya Telecom

Live from my bbm

أمراض نفسيه سببها ( Black Berry )
1- دخول التليفون معاك بالحمام .
2- الفرحه عند رؤية الاشاره حمراا.
3- تضحك. بروحك والكل يستغرب منك .
4-معطي كل اللي حولك طاف .
5-انحناء بالظهر ومشاكل بالرقبه.
6-تطويل الاظافر عشان تتحكم بلوحة المفاتيح .
7-تنام والتلفون بحضنك.

مع البي بي مش حتقدر تغمض عينيك

Kaaaaaak
Sent from my BlackBerry® smartphone from Wataniya Telecom

الثلاثاء، 19 يناير، 2010

انضميت للقافله... حتى لو متاخره






اقدر اقول واخيرا صرت من حمله البلاك بيري
اخذته من يوريكا ب 179 :>



الخميس، 7 يناير، 2010

شعارنا بالدوام حتى اشعار اخر ...





قطيــــــــــــعة محدش ياكلها بالساهل




والشكر موصول ل"لودي" ;>

الأربعاء، 6 يناير، 2010

today IS clean day...







 احلى شي بالسنه اليديده لما اسوي الجرد السنوي واقط كل الدثره والشغل القديم

احس بالانجاز لما اشوف مكتبي نظيف  في انتظار اكواد الاوراق اللي بتترس ملفاتي والاشياء اليديده اللي بضيفها بسطح مكتبي

وواكيد نبته يديده بدال الماسوف على خضارها



الشي الوحيد اللي يكبر كل سنه مساحتي الشخصيه اللي اعلق عليها اوراق وكروت وصور والسوفينيرات بالبارتشن  :>

مودي اليوم

fabulous :D


ووعشان اكافيء نفسي على هالانجاز شفت صوره هالكيكه تشوووووووق بسويها ان شاء الله مع اني ما اعتقد ان النتيجه النهائيه بتصير نفسها  :>



اللي يبي الطريقه يحصلها بهاللينك

الثلاثاء، 5 يناير، 2010

the daily mood


 

رزنامه فيها 47 مود اخذتها قبل فتره من فيرجن  ورازتها عندي بالمكتب بالويه
ومريحه في حال التعامل مع الملاقيف اللي ما يفرق معاهم لا توقيت ولا حاله صحيه ولا حاله نفسيه وماكو على لسانهم الا كلمه " انتي شفيج اليوم؟؟"
تبون تعرفون شفيني اقرو شمكتوب واللي ما يعرف يقرا يشوف الصوره ويفهم وهم اللي ما يفهم اكو تعريف عن المزاج وامثله بالجهه الثانيه .. وبهالطريقه انا مرتاحه



مودي اليومbouncy
 


الاثنين، 4 يناير، 2010

reading


 
في البدايه شفت الفيلم بناء على نصيحه الشاب الوسيم  ( صديقي بالدوام ).. وكان الفيلم حلو بس برايي المتواضع اخر دقيقتين كلش مالهم داعي ههه

ولما قريت الروايه ( الحين بجابتر 20 ) ... اكتشفت اني قاعد اقرا شي ثاني ماله علاقه بالفيلم الا باسماء الشخصيات ومحتوى الرسايل :>
 
المؤلفه اسلوبها حلو وسلس والفقرات اللي تكبتها جدا متصله مع اني اشوف الطريقه اللي متعلقه فيه البطله بزوجها الراحل مومربوطه بعالم الواقع 
كنت متخوفه اقرا حق الكاتبه لانها ايرلنديه وتوقعت بتحط مفردات بلهجتهم ما افهمها  بس الحمدالله كل المكتوب مفهوم وطلعت صغيره ما شاء الله عليها وهذي اول رواياتها وشكثر فايزه بجوائز عليها 


 
مادري ليش دايما حاطه ببالي ان المؤلفين الانجليز كتبهم صعبه..ودايما اتردد من هالمواجهه مع اني قريت روايات هاري بوتر وقدرت افهم اللغه اللي كانت بلسان هاجرد وهذي بروحها معجزه هههه

الروايه مع اني ما نهيتها مبين انها حلوه .. وانصحكم بالفيلم حتى لو القصه مختلفه عنه :>